Гурт NaviBand утварыўся ў 2013 годзе як паяднанне супрацьлегласцяў. Менавіта такое спалучэнне дало выбітны непаўторны стыль, а за гады свайго існавання дуэт здолеў вырасці ў адзін з самых яскравых, вядомых і запатрабаваных калектываў з Беларусі.

Яны першымі заспявалі на беларускай мове са сцэны фінала міжнароднага конкурса «Еўрабачанне-2017».
Уся іх творчасць працятая любоўю да радзімы, а выступы – яднаючай сардэчнай энэргіяй, з песнямі пра каханне, перамены, пачуцці, пра сум па родным краі, але заўсёды з надзеяй на лепшае.