Яе друкавалі на цішотках і торбах, рабілі стыкеры і паштоўкі, а выява задуменнай дзяўчыны пэндзля Хаіма Суціна стала ўвасабленнем таленту і свабоды.

Чаму менавіта яна стала сімвалам барацьбы беларусаў добрай волі? Бо культурныя здабыткі, а яшчэ і з такім адметным лёсам, лёгка ўплятаюцца ў рэчаіснасць людзей адукаваных, інтэлектуалых, здольных успрымаць мастацтва.

Хаім Суцін, ураджэнец мястэчка Смілавічы, стаў адным з самых вядомых прадстаўнікоў беларускага мастацтва на сусветнай арэне, даказаўшы, што нават з маленькай вёскі можна ўвайсці ў гісторыю сусветнай культуры. Яго экспрэсіўныя працы захавалі памяць пра карані і натхняюць новае пакаленне беларускіх мастакоў сваёй смеласцю і самабытнасцю.